गैंडाको आक्रमणबाट मकवानपुरमा एक जना घाइते
मकवानपुर, १७ पुस । मकवानपुरको मनहरीमा गैंडाको आक्रमणबाट एक महिला घाइते भएको प्रहरीले जनाएको छ ।
आज (बुधबार) बिहान मनहरी गाउँपालिका ६ लोथर खोला नजिक रहेको लामेदमार मध्यबर्ती सामुदायिक बनमा घास काटन तथा गोबर टिप्न गएकी महिलालाई गैंडाले आक्रमण गरेको हो ।
चितवन राप्ती नगरपालिका १ दुबिचौर घर भएकी अन्दाजी बर्ष ७० की दिलमायाँ स्याङतानलाई गैडाले आक्रमण गरेको र स्थानियहरुले हो हल्ला गरेपछि गैडा जंगल तर्फ लागेको प्रहरीले बताएको छ ।
घाइते महिलाको हात,शरिर र निधारमा चोट लागेको र उनलाई उपचारका लागि चितवन पठाइएको प्रहरीले जनाएको छ ।
